Up Platt dörch't Johr

Wat is in’t Johr œwer twüschen Niejohr un Wihnachten los orrer wat fangt mit Niejohr an un deit mit Oltjohrsåbend ennen? Wat gifft dat för Grünn’, dat ein un dat anner Fest tau fiern? Wecker Festdåch warden von’n Klenner vörgäben? Wecker stammen ut christlich un wecker ut vörchristlich Tieden un woans hemm’ sei sik vermengeliert? Up disse un väle anner Fragen ward dei Läser Antwurten finnen un villicht sogor Anrägungen, oll Brukdaum mål wedder ruttaukråmen orrer von Niegen tau beläben. Sülfst männig Infall as Vergnäugen för ‘n Volksfest is hier tau finnen. Passend tau dei Johrestieden sünd twüschen dei Vertellers lütte Riemels tau finnen, dei man gaude Frünn’ up’n Glückwunsch schrieben kann. Sporsam würn denn noch por Biller un Teiknungen von mi ünnerbröcht. Sei sünd gaut 50 Johr olt un wiern Deil von mien Ünnerlagen för ‘n Kunststudium, dat ik denn nie nich måkt heff, denn dei Öllern wullen, dat ik von wat „Anstänniget“ un nich von „brotlose Kunst“ läben süll.